Foto do Campus de Verán 2023
O Campus de Verán do Balonmán Chapela terá lugar do 1 ao 12 de xullo. Dúas semanas de actividades enfocadas a rapazada entre 5 e 15 anos con horario de 09:00 horas a 14:00 horas.
O club leva 25 anos organizando o campus con motivo das vacacións de verán e para axudar na conciliación familiar. Durante estes 10 días os nenos e nenas poderán desfrutar de actividades variadas co balonmán como protagonista e que inclúen visitas sorpresa e unha gran festa de despedida. Divídese en dúas semanas, a primeira do 1 ao 5 de xullo e a segunda do 8 ao 12 de xullo.
O prezo varía en función das datas a escoller. Así, unha semana ten un custe de 60 euros, cun desconto de 10 euros para os socios, e dúas semanas teñen un prezo de 110 euros xerais, cun desconto de 20 euros para os socios. Tamén dan a opción dun desconto para irmáns no mesmo rango.
O prazo de inscrición xa está aberto e continuará ata encher todas as prazas. Para máis información poñen a disposición o número de teléfono do club 986 45 81 10 e as instalacións da oficina situadas no Pavillón Municipal de Chapela Manuel González Soto.
