Esta fin de semana celebráronse ata catro probas da Liga Galega de Traiñeiras, nas que as embarcacións locais trataron de seguir ascendendo na clasificación. Cesantes acadou a súa primeira bandeira da tempada en Rianxo, mentres que Chapela conseguiu levar á casa a de Cidade de Ferrol. Isto as sitúa como rivais directas polo primeiro posto na clasificación xeral. En canto a liga masculina, Chapela mantén o pulso a Ares no segundo posto do podio galego.
O sábado, as mozas de Cesantes-Amegrove-Cefycal deron o mellor de si mesmas e proclamáronse campioas na III Bandeira Feminina Concello de Rianxo, nunha regata sorprendente na que superaron con notable solvencia a Chapela-Wofco que foran as vencedoras nas dúas regatas anteriores.
Nun xiro de volta, o domingo, a tripulación feminina do CR de Chapela recuperou o ritmo e levou á casa a VIII edición da Bandeira Feminina Cidade de Ferrol Memorial Miguel Derungs Criado, celebrada na enseada de A Cabana. A embarcación berete, líder da liga autonómica, desquitouse da derrota ante o Cesantes en Rianxo e esta vez impúxose por máis dun minuto e medio de diferenza. Desta forma consolídase no liderado da xeral, con dous puntos de distancia sobre o seu principal perseguidor e a moita diferencia do resto de embarcacións competidoras.
Na Liga Masculina o sábado disputouse a XXI Bandeira Concello De Rianxo onde o gañador foi CR Ares, seguido de CM Castropol, e Chapela –Wofco que rematou no terceiro posto. Cesantes non tivo tanta sorte e chegaron de últimos á meta. Na clasificación xeral o primeiro posto o mantén Ares, pero seguido moi preto por Chapela no segundo posto.
Cabe destacar que Chapela compite na Liga B, un total de 3 embarcacións participando na LGT, acadando un meritorio terceiro posto.
CLASIFICACIÓN
II BANDEIRA FEMININA CONCELLO DE RIANXO: Cesantes, Chapela, Cabo da Cruz.
VIII BANDEIRA FEMININA – CIDADE DE FERROL VI MEMORIAL MIGUEL DERUNGS CRIADO: Chapela, Cesantes-Amegrove-Cefycal, CR Salgado.
Clasificación Xeral Liga F: Chapela (27), Cesantes (25), Rianxo (16).
XXI BANDEIRA CONCELLO DE RIANXO: CR Ares, CM Castropol, Chapela –Wofco (12 Cesantes).
Clasificación xeral Liga A Ares, Chapela, Tirán.
Liga B XXIX BANDEIRA CONCELLO DE BUEU: CR Cedeira, CR Puebla, CR Chapela.
