As remeiras de Chapela e Cesantes lideran a liga galega de traiñeiras

Esta fin de semana celebráronse a III Bandeira Feminina Princesa de Asturias da Liga F e a XXXVI Bandera Princesa de Asturias da Liga A en Castropol. Chapela e Cesantes foron as vencedoras da regata feminina, acadando un primeiro e segundo posto respectivamente, que as coloca tamén no podio da clasificación xeral onde continúan dominando as beretes. Na liga masculina o vencedor foi Ares, mentres que Chapela quedou de cuarto e Cesantes continúa de pechacancelas do grupo.

As líderes da categoría feminina, Chapela-Wofco, confirmaron o seu gran nivel, dando un paso decisivo, coa súa vitoria rotunda na III Bandeira Feminina Princesa de Asturias, celebrada en Castropol. As mozas de Cesantes-Amegrove-Cefycal, magníficas segundas, tentaron de forma admirable restar ás beretes, pero os seus esforzos foron en balde e Chapela-Wofco conquistou a súa quinta vitoria na liga con seis regatas disputadas, marcando a súa proa cara ao triunfo nesta Liga Feminina-Trofeo Xunta de Galicia 2024.

Na Liga A, Ares tivo que emplearse a fondo para manter o liderado na categoría e conseguir gañar a Castropol, a traiñeira anfitrioa foi a que mais preto estivo do líder a oito segundos e no terceiro posto entrou Tirán a once segundos. Chapela quedou moi preto do podio no cuarto posto e ofrecendo unha boa regata, mentres que Cesantes continúa de pechacancelas da categoría.

LIGA F

Clasificación, III Bandeira Feminina Princesa de Asturias:

1. Chapela: 23:43 e bandeira.
2. Cesantes: 24:25.
3. Rianxo: 24:51.
4. Cabo da Cruz B: 25:04.
5. Perillo: 25:32.
6.  Castropol: 26:01.
7. Mugardos-A Cabana Ferrol: 26:03.

Clasificación xeral, xornada 6:

1. Chapela: 41
2. . Cesantes: 36.
3. Perillo: 24.
4.  Cesantes: 24.
5. Cabo da Cruz B: 18.
6. Mugardos-A Cabana Ferrol: 16.
7. Castropol: 9.

LIGA LGT A:

Clasificación xeral, XXXVI Bandeira Princesa de Asturias:

1. Ares: 20:14 e bandeira.
2. Castropol: 20:22.
3. Tiran: 20:25.
4. 4Chapela: 20:32.
5. Rianxo: 21:0.
6.  Samertolameu: 21:12.17.
7. Mugardos-A Cabana Ferrol: 21:12.46.
8.  Mecos: 21:21.
9. Cabo da Cruz B: 21:23.65.
10. Urme: 21:23.93.
11. Naron: 21:29.
12. Cesantes: 21:59

Clasificación xeral, xornada 9

1. Ares: 107.
2.  Chapela: 93.
3.  Tiran: 92.
4.  Castropol: 85.
5. Rianxo: 65
6.  Samertolameu: 62.
7. Mecos: 52.
8. Urme: 34.
9. Naron: 34.
10.  Mugardos-A Cabana Ferrol: 33.
11.  Cabo da Cruz B: 28.
12. Cesantes: 17.