O luns 2 de setembro comeza o prazo para inscribirse nos Clubs de Lectura das Bibliotecas Municipais de Redondela. A actividade é de balde e as bibliotecas proporcionan os libros para cada sesión. As xuntanzas comezarán no mes de outubro. Na Biblioteca P.M. Valle-Inclán de Redondela serán o terceiro venres de cada mes, e na Biblioteca P. M. Xela Arias de Chapela o terceiro luns de cada mes.
As persoas participantes teñen que ter cumpridos os 18 anos, ter o carné de socias das Bibliotecas Municipais de Redondela, ou ben de calquera outra biblioteca da Rede de Bibliotecas Públicas de Galicia, e inscribirse previamente nun dos clubs. En calquera caso, o carné das bibliotecas pode facerse no mesmo momento da inscrición.
Máis información nas propias bibliotecas municipais de forma presencial ou a través dos teléfonos 986 45 42 26 (Biblioteca P. M. Xela Arias de Chapela) e 986 40 15 61 (Biblioteca P.M. Valle-Inclán de Redondela). Tamén está dispoñible o enderezo electrónico bibliotecachapela@redondela.gal
