SKY PLAZA é un proxecto de serie de animación 2D creada polo director e animador José Garnelo (Vigo, 1984). O primeiro episodio, “Cats”, será proxectado en Vigo este sábado 21 de Setembro dentro da sección Pequefreak, a partir das 17:30, no marco do GFF- Galician Freaky Film Festival. Conversamos con el sobre a creación do proxecto e a idea de poder continuar coa súa produción, para a que nestes momentos están buscando produtora.
