O concello de Soutomaior insta agora á Xunta a que inclúa nos orzamentos galegos de 2025 partidas específicas para a construción do novo centro de saúde.
O goberno local pon a disposición da Xunta as referencias catastrais dos terreos para o novo centro de saúde de Arcade, unha vez que o rexistro da propiedade e o catastro fixeron efectiva a inscrición das parcelas e o cambio de titularidade, respectivamente.
O proceso para a adquisición das parcelas viuse afectado por numerosas demoras debido, afirma o alcalde Manu Lourenzo “ao proceso de expropiación dos terreos iniciado polo anterior equipo de goberno e que fixo que a tramitación administrativa se estendese no tempo durante moitos meses. O alcalde sinalou que “apostar pola expropiación no canto de negociar os terreos foi un erro, xa que retrasou durante moito tempo a adquisición das parcelas, atrasando a súa vez o futuro comezo das obras de construción do centro de saúde”.
Uns trámites da expropiación que non remataron ata o pasado mes de abril cando o rexedor asinou na notaría a escritura de adquisición dos terreos. Feito este trámite reclaman agora que a Xunta inclúa nos galegos para 2025, as partidas específicas para a construción das novas instalacións”.
