O fútbol sala feminino está crecendo en Redondela e as de Chapela están demostrando a súa valía liderando a táboa xeral da liga en Segunda Autonómica.
Ocupan o primeiro posto na táboa xeral con 16 puntos e 3 de diferenza co segundo posto que ocupan as mozas do Morrazo. Isto tradúcese en cinco partidos gañados das seis xornadas que van de tempada.
O último partido gañado tivo lugar a fin de semana pasada contra o E.F.B. Terra de Montes no Pavillón Municipal de Forcarei Paco Rubio. Gañaron de forma ampla cun resultado de 1-5. Nun espectacular comezo da primeira parte conseguiron marcar tres goles en sete minutos, o primeiro a tres minutos de que soara o asubío do árbitro. Mantiveron unha boa defensa e as rivais conseguiron colar un gol a falta dun minuto do descanso. Á volta, na segunda metade, continuaron con forza e aproveitaron a vantaxe para marcar outros tres goles nada máis entrar na pista.
A próxima xornada reciben ao Pecheches FS, novenas na clasificación xeral e unha boa oportunidade para seguir a senda da vitoria na casa.
Goleadoras: Eva (3’ e 29’), Irene (6’), Elva (7’ e 33’)
Primeira Autonómica
En primeira Autonómica o sénior feminino do Arealonga FS leva xogados tres partidos de liga e suman unha vitoria e dúas derrotas que as sitúa de sextas na táboa. A última xornada houbo descanso e o próximo domingo reciben ao Valladares no Pavillón Municipal de Chapela ás 17:45h. Unha boa oprotunidade de velas xogar na casa.
