Foto de @sandragardini
A deportista Beatriz Queiro, que forma parte do Club de Taekwondo Omnihum de Redondela, foi seleccionada aos seus 62 anos para competir no Campionato Mundial de Poomsae que se celebra en Hong Kong do 30 de novembro ao 4 de decembro.
Beatriz Queiro leva case 30 anos practicando este deporte e chegou a participar no campionato internacional de México do ano 2014, sendo esta a súa segunda convocatoria para esta cita. Naquela ocasión Queiro chegou ata a final, quedándose co quinto posto. Fora de territorio nacional, ao ano seguinte e con 52 anos logrou facerse co bronce no Campionato de Europa de Poomsae. Esta disciplina consiste en combinacións de movementos que representan ataques e defensas executados nunha orde concreta ou liña de movementos contra un ou varios atacantes imaxinarios.
O representativo nacional que participa no mundial está integrado por 63 deportistas de distintos lugares do país, dos que 32 son galegos. Todos eles foron abandeirados nas instalacións do Centro Nacional de Desenvolvemento de Talentos e Alto Rendemento (CNAR) por Luis Alberto Rivera Morais, subdirector de Calidade para o Deporte da CONADE en representación do director da institución, Rommel Pacheco. Toda a selección tivo unha longa preparación para este torneo internacional, iniciando unha concentración no complexo deportivo pertencente á CONADE desde hai unhas semanas para afinar os últimos detalles rumbo ao enfrotamento mundialista.
Beatriz Queiro competirá coa Selección Española o día 2 de decembro na categoría de máis de 60 anos xunto co catalán Jose Manuel Marín.
