ADOS Galicia regresa a Redondela neste 2025 convocando a veciñanza a achegarse a unidade móbil que estará a disposición dos doantes este venres e sábado estacionada ao carón do concello. O venres en horario de mañá e tarde de 10:00 a 14:00 horas e de 16:00 a 21:00 horas. O sábado aquelas persoas que o desexen poderán achegarse a este autobús dende as dez da mañá ata as tres da tarde.
A Axencia de Doazón de Órganos e Sangue (ADOS) lembra a necesidade de doar sangue sempre nas xornadas inmediatamente anteriores ou posteriores aos días festivos, como sucede no mes de xaneiro coas datas de Nadal. As reservas dos grupos A positivo, A negativo e 0 negativo están en niveis baixos.
Neste sentido, ADOS recorda que, todos os días do ano, se necesitan entre 400 e 500 doazóns de sangue para cubrir axeitadamente as necesidades de compoñentes sanguíneos por parte dos centros sanitarios.
