A fin de semana deixou emoción e contrastes para os equipos de fútbol sala de Redondela, cunha vitoria crucial da SD Pazos en Terceira División e un importante triunfo do Campito Chapela en Preferente.
A SD Pazos acadou tres puntos fundamentais na xornada 19 da Terceira División tras impoñerse por 4-5 ante o ADFS Bueu. O encontro estivo marcado pola intensidade e os constantes cambios no marcador, pero o conxunto visitante soubo xestionar mellor os momentos decisivos para levarse a vitoria.
Os goles do equipo foron obra de Martín, que asinou un dobrete, Jacobo, Luis e Simón, que contribuíron a manter ao Pazos na loita polos postos altos da clasificación. Con este triunfo, o equipo sitúase na cuarta posición da táboa con 36 puntos, consolidando a súa boa dinámica nesta tempada.
O próximo reto da SD Pazos será contra o Begonte FS, un partido clave onde buscarán seguir sumando para achegarse aos postos de ascenso.
A Preferente tamén deixou contrastes para os conxuntos redondeláns. O Campito Chapela conseguiu a primeira vitoria da segunda volta tras encadear catro derrotas consecutivas. Impúxose ao Vincios Gondomar por 3-1 grazas aos goles de Pablo (21′), Alejandro (37′) e Pedro (39′). Con este triunfo, o equipo afástase dos postos de perigo e colócase na metade da táboa.
Pola súa banda, o Redondela FS caeu ante o Pizarras Los Tres Cuñados FS por 4-3, nun duelo directo entre dous conxuntos do podio. A pesar da derrota, o equipo mantense na segunda posición da clasificación. Os goles do Redondela FS foron obra de Mario (0′ e 39′) e Óscar (22′).
O encontro do Arealonga FS foi suspendido e queda aprazado á espera de confirmación dunha nova data.
