O Multiusos da Xunqueira acolle hoxe ás 20:15 horas a presentación do libro biográfico “Alejandro Otero” de Enriqueta Barranco e Fernando Girón, editado por Caja Granada, entidade da que o médico redondelán foi Conselleiro. O acto estará moderado pola senadora Carmela Silva.
Os autores son directores da cátedra “Antonio Chamorro-Alejandro Otero” da Universidade de Granada e estarán presentes na charla coloquio que será moderada pola Voceira do PSOE no Senado e Senadora por Pontevedra, Carmela Silva, xunto co Secretario das Xuventudes Socialistas de Redondela, Isaac Araújo.
Esta presentación coincide coa mostra que sobre o médico e político redondelán está a ter lugar no mesmo Multiusos da Xunqueira e na que se fai un percorrido pola vida de Otero Fernández a través de diversa documentación así como de material cedido pola Universidade de Granada onde o médico desenvolveu gran parte da súa actividade investigadora e docente
A cita hoxe é ás 20:15 horas aínda que a exposición pode visitarse ata o 25 de marzo.
