Mulleres, veteranas e adictas ao Balonmán. Así son As Sarillas, un equipo que naceu hai 13 anos adscrito á SAR e que ten logrado importantes éxitos na súa andaina. Con todo, o máis salientable é a unión que xurde neste contexto deportivo e que as mantén en activo. Soñan con ir ao Europeo que se vai celebrar en Portugal e tamén en participar nunha liga que lles permita competir contra outras comunidades.
Mar Núñez e Ángela Alonso pasan polos nosos micrófono para contarnos como naceu o equipo e como foi evolucionando ata agora “co cupo pechado porque somos tantas que é complicado adestrar”. A súa intención é seguir “mentres o corpo aguante”.
Falamos con elas no espazo “As mulleres contan. Percorrendo camiño” un espazo en colaboración coa Concellería de igualdade.
