Benvidos e benvidas ao Especial de Nadal de Onda Torrella!
Hoxe, enchémosvos de espírito festivo dende Radio Redondela. Imos escoitar panxoliñas, cancións tradicionais e pezas musicais que nos traen a calor das festas, ademais de conversar.
Queremos aproveitar para agradecer de corazón a todas as persoas que pasaron polos micrófonos de Onda Torrella durante este 2024. Cada convidado deixou a súa pegada, compartindo connosco as súas historias, paixóns e proxectos. Grazas por encher este programa de vida, de música e de boas conversas. Sodes parte fundamental do que facemos, e hoxe brindamos tamén por vós.
E atención, porque no 2025 seguiremos sorprendéndovos con novas historias, máis música e moitas sorpresas.
