AFAGA Alzheimer é unha entidade sen ánimo de lucro que realiza diferentes actividades destinadas a mellorar a calidade de vida dos enfermos de Alzheimer e outras demencias e os seus familiares, así como ofrecer información, asesoramento e orientación a todas as persoas que o soliciten e estimular e colaborar nas investigacións que se realizan sobre esta enfermidade. Juan Carlos Rodríguez, Presidente da asociación, fala da incorporación de AFAGA ao Programa Integrador de Emprego de Galicia. Unha das novidades que ofertan de cara a 2024.
Entre outras cousas, Rodríguez apuntou a un novo medicamento que atrasa o avance da enfermidade e que está pendente de aprobación pola Axencia Europea do Medicamento (EMA). A esperanza está posta en que o lecanemab se aprobe de cara ao 2024.
