En “Outro mundo é posible” falamos de temas que impactan na nosa sociedade. Pedro López, director do centro de día Os Cortizos, achégase aos nosos micrófonos para conversar sobre a importancia dos coidados ás persoas maiores e o cambio de rumbo que ten que tomar a sociedade para axustarse a nova realidade na que a esperanza de vida vai en aumento, cunha poboación claramente envellecida.
O venres 26 de xullo é o día dos avós e as avoas, pero estas figuras e as súas necesidades foron cambiando cos tempos, polo que aproveitamos esta data sinalada para xerar un debate aberto e baseado en información próxima e actual gracias a experiencia de López.
