A AVV de Chapela organiza unha excursión á illa de Tambo

A Asociación de veciños de Chapela organiza unha excursión á illa de Tambo

A Asociación de Veciños de Chapela organiza o día 29 unha excursión con roteiro guiado á illa de Tambo, que tamén inclúe un percorrido por Combarro e a visita aos xardíns do pazo de Lourizán, en Pontevedra.

O prezo é de 37 euros para os socios (40 aos non socios) e inclúe autobús, barco, guía e seguro. O custo para os menores de 18 anos só será 19 euros e só paga o primeiro fillo. Para anotarse ou solicitar máis información pódese chamar ao teléfono 649376094.