Acto institucional 8M + Faladoiro “Xuntas no deporte”

O acto institucional do 8M en Redondela será o 7 de marzo na Praza do Concello ás 12.00 horas, coa lectura da Declaración Institucional a cargo da xornalista María Foscaldo “Virtudes”. No acto participa o grupo de teatro da Asociación Cultural de Chapela e tamén cos centros educativos, centros de Dia, colectivos e asociacións como Lenda e Andaina.

A xornada completarase cunha charla sobre o papel das mulleres no deporte que se celebrará ás 19.30 nas oficinas de Turismo (rúa Isidoro Queimaliños). O título da actividade é “Xuntas no Deporte”, un encontro con mulleres que participan nas directivas de clubs redondeláns.