Concerto de Su-Min (Corea-Alemaña) en Espaço Vivo

Espaço Vivo é unha sociedade cooperativa galega nada para como un proxecto de economía circular baseado no agro e na cultura do noso país. Ten como obxectivo promover unha mestura entre a agricultura, as artes e a gastronomía vegana.

Contan cun centro de produción hortícola propio e unha pequena sala para o procesado e elaboración dos produtos e a súa degustación situado no Camiño do Fixón 64 . Ofrecen menú degustación con reserva previa de mércores a domingo en horario de xantar e cea, aderezado os fines de semana con actuacións en directo.

Su-Min (Corea-Alemaña) trae o seu proxecto experimental a Espaço Vivo o 16 de novembro, cunha proposta envolvente que non vai a deixar a ninguén indiferente.

A programación de Espaço Vivo é para público reducido, polo que se precisa de reserva previa cun mínimo de catro horas de antelación no teléfono 622193026 ou no enderezo electrónico artenaleiragz@gmail.com. Ofrecen unha experiencia única na que o público comparte espazo e mesa cos artistas para xerar sinerxías entre distintas culturas e degustar gastronomía ecolóxica feita con agarimo e moita imaxinación.