II aniversario de Espaço Vivo

O local de hostalaría vegana que ten a súa sede no Camiño do Fixón 64, na parroquia de Negros naceu hai xa dous anos da man de Serxio Crespo e Eva Castro. Para conmemorar esta data o vindeiro sábado 8 de xullo ás 20:00 horas cunha xornada de gastronomía e música co proxecto Laxes de Roi Adrio e Gustavo García. A banda achegará un repertorio de músicas Atlántikas interpretadas con requinta e guitarra electro-acústica. A continuación celebrarase unha foliada aberta, convidando a todos os músicos que o desexen a asistir cos seus instrumentos.

Dende Espaço Vivo lembran que para asistir compre unha reserva previa para poder así organizar o estacionamento e os petiscos que se poderán degustar durante esta celebración cargada de música.

Reserva no teléfono 622193026