Proxección “Las niñas” en Arcade

Soutomaior está a celebrar en colaboración coa Filmoteca Nacional o Día do Cine Español. Faino coa proxección de diferentes títulos que esta fin de semana achegarán ao multiúsos a premiada “Las niñas”. Película premiada con catro Goyas no ano 2020, lévanos ata a década dos noventa. A protagonista é Celia, unha nena de 11 anos que estuda nun colexio de monxas en Zaragoza. Alí vivirá a súa adolescencia en compañía de Brisa, recén chegada de Barcelona, e outras estudantes do centro. Poderase ver o venres ás 20:00 horas con entrada de balde no Multiúsos de Arcade.