Proxección Ostras. O peche do mar

O documental sobre o conflitivo proxecto de parque ostrícola para Cesantes chega ao Multiúsos. O Obradoiro de Estudos Locais Fernando Monroy presenta o vindeiro 9 de outubro ás 18:00 horas no multiusos da Xunqueira en Redondela o documental Ostras. O Peche do mar, un traballo impulsado pola directiva da entidade e dirixido polo redondelán Fernando Carreira ‘Cuchi’. A peza audiovisual é unha análise do conflito vivido na parroquia entre finais de 1955 e inicio de 1956.