Teatro Infantil: Antón, un neno diferente

Barafunda teatro volve este nadal ao Auditorio da Xunqueira coa obra infantil “Antón, un neno diferente” dentro da Programación de Nadal  2023 do Concello de Redondela.

“Antón, un neno diferente” é un espectáculo multidisciplinar de teatro de actores e monicreques en diversas técnicas (sombras, bunraku, bocones, obxectos…) dirixido a público familiar e infantil. Utilízanse recursos de iluminación, vídeo e música orixinal para recrear a xeografía e tradicións de Galicia. Entre outras cousas ANTÓN pretende, a través dunha historia fantástica, tocar temas como a MIGRACIÓN FORZADA e os EFECTOS DO ACOSO, destacando a importancia de valores como a TOLERANCIA, o AMOR e o RESPECTO CARA A DIVERSIDADE e, sobre todo, a VALENTÍA, para afrontar os obstáculos e lograr os obxectivos que nos expoñamos.